ఓం శ్రీరామా, పసుపు & కుంకుమ
వివాహ తంతులు వరుసక్రమం
తాంబూలాలు
ఇవి సాధారణంగా మగపెళ్ళి వారి ఇంటిలో జరుగుతాయి. లేనిచో రెండు కుటుంబాలకి వీలైన చోట జరుపుకోవచ్చు.
ఆడపెళ్ళి వారు ఇవ్వవలసినవి:
- పెళ్ళి కొడుకుకి, తల్లికి, తండ్రికి, అక్క చెల్లెళ్ళకి, అన్న తమ్ముళ్ళకి బట్టలు పెట్టాలి
- మిగిలిన కుటుంబానికి ఆడపెళ్ళివారు అడిగిన దానిని బట్టి బట్టలు పెట్టాలి
- పెళ్ళి కొడుకుకి ఉంగరం కొనాలి
- 5 రకాల పళ్ళు, స్వీట్స్, డ్రై ఫ్రూట్స్ ఇవ్వాలి
- సుభలేఖ చదవాలి
మగపెళ్ళివారు ఇవ్వవలసినవి:
- వధువుకి, తల్లికి, తండ్రికి, అక్క చెల్లెళ్ళకి, అన్న తమ్ములకి, మిగిలిన కుటుంబ పెద్దలకి బట్టలు పెట్టాలి
- వధువుకి ఉంగరం పెట్టాలి
- 5 రకాల పళ్ళు, స్వీట్స్, డ్రై ఫ్రూట్స్ ఇవ్వాలి
వివాహం
మగపెళ్ళివారు కళ్యాణ మండపానికి రాగానే వియ్యపురాలికి అలంకరణ సామగ్రితో పళ్ళెం ఇవ్వాలి.
పళ్ళెంలో పెట్టవలసినవి:
- పసుపు, కుంకుమ, సున్నపు పిండి
- షాంపూ, నూనె, పేస్టు, బ్రష్లు, సబ్బులు
- టవల్, నాప్కిన్, బొట్టు స్టిక్కర్స్
- పర్ఫ్యూమ్ బాటిల్, tongue cleaners
- కాటుక, దువ్వెన, అద్దం
స్నాతకం
ఇది మగపెళ్ళివారు చేసుకునే కార్యక్రమం. దీనికి కావలసిన సామగ్రి (బ్రహ్మ గారు ఇచ్చిన లిస్టు) ఆడపెళ్ళివారు ఏర్పాటు చేయాలి.
కాశీయాత్రకు ఇవ్వవలసినవి:
- పెళ్ళి కొడుకుకి బట్టలు
- గొడుగు, కర్ర, చెప్పులు
- వేడుక కోసం వెండి గొడుగు, కర్ర, చెప్పులు (చిన్న సైజులో) ఇస్తారు
- మగపెళ్ళి వారు వధువు సోదరునికి బట్టలు పెట్టాలి
ఎదురు సన్నాహం (వరపూజ)
దీనినే వరపూజ అంటారు. ఇది వివాహ కార్యక్రమం ముందు జరుగుతుంది.
ఈ సమయంలో ఇవ్వవలసినవి:
- వరునికి బట్టలు
- వియ్యపురాలికి పానకం బిందెలు, గ్లాసులు (వెండివి)
- వెండి సుభలేఖ చదవాలి
సరదా కార్యక్రమం:
- అబ్బాయి వైపువారు ఒక వైపు, అమ్మాయి వైపువారు ఒక వైపు కూర్చోవాలి
- మగపెళ్ళి వారికి అందరికి కర్పూరం దండలు వేయాలి
- చిన్న చిన్న బహుమతులు ఇవ్వాలి
వివాహ కార్యక్రమం
పూర్తి వరుసక్రమం:
- పెళ్ళికూతురు, తల్లితండ్రులు అంకురార్పణ చేసుకోవాలి
- పెళ్ళికూతురు చేత గౌరీపూజ చేయించాలి
- కన్యావరణాలు చదవాలి
- తర్వాత అబ్బాయికి ఉత్తరీయం, ఉపవీతం వేయాలి
- వరుసగా: కాళ్ళు కడగడం, కన్యాదానం, సుముహూర్తం, కాడి పెట్టడం
- మధుపర్కాలు, జ్యోతులు
- మంగళ సూత్రం కట్టడం, తలంబ్రాలు, ఆశీర్వచనం జరపాలి
- 10 నిమిషాలు విశ్రాంతి ఇచ్చి అగ్నిహోత్రాలు చేయించాలి (స్థాలీపాకం, నాగవల్లి, సప్తపది)
- తర్వాత వధు వరులకి భోజనం పెట్టి, దొంగ వేలం, ఉయ్యాల, లాంచనాలు, సారె, అప్పగింతలు చేయాలి
- తర్వాత అమ్మాయికి వడికట్టు కట్టి అత్తవారింటికి పంపాలి (తల్లి కూడా వెళ్ళకూడదు)
- మర్నాడు అబ్బాయి ఇంటిలో సత్యనారాయణ వ్రతం చేసుకుంటారు. అప్పుడు వారికి బట్టలు పెట్టాలి
Written by: పూర్ణ దెందులూరి
Sep 13, 2011